У філіяле «Энергазбыт» 29 сакавіка адбылася сустрэча маладзёжнага актыву з першым сакратаром Савецкага раённага камітэта ГА «БРСМ» г. Мінска Арынай Цыпенковай. У гутарцы таксама прынялі ўдзел прадстаўнікі адміністрацыі філіяла і пярвічнай арганізацыі РГА «Белая Русь».

Мерапрыемства прайшло ў фармаце адкрытага дыялога. Удзельнікі абмеркавалі тэмы культурных і маральных каштоўнасцей, а таксама запланаваныя маладзёжныя праекты. Арына Іванаўна расказала маладым работнікам пра валанцёрскі рух БРСМ «Добрае Сэрца», у якім удзел прымаюць актывісты Рады моладзі.

У ходзе гутаркі абмяркоўвалася падрыхтоўка да мерапрыемстваў, прысвечаных 80-годдзю вызвалення Беларусі ад нямецка-фашысцкіх захопнікаў.

Напрыканцы Арына Цыпянкова запрасіла прысутных далучыцца да грамадскага аб'яднання «БРСМ» і зрабіць свой пасільны ўклад у развіццё і дабрабыт сучаснага грамадства.