Арганізатарам акцыі, якая пройдзе з 15 красавіка па 1 траўня, выступае Міністэрства па надзвычайных сітуацыях. Яе галоўная мэта — папярэджанне пажараў і гібелі людзей ад іх у жыллёвым фондзе.

— У рамках акцыі будуць арганізаваны прафілактычныя мерапрыемствы, накіраваныя на выкананне насельніцтвам правілаў пажарнай бяспекі ў жылых будынках і збудаваннях, населеных пунктах і тэрыторыях, у тым ліку ў сельскай мясцовасці, павышэнне інфармаванасці грамадзян аб магчымасцях дзяржаўных арганізацый па аказанні паслуг у сферы забеспячэння пажарнай бяспекі, умацаванне правапарадку, папярэджанне правапарушэнняў, якія ўчыняюцца грамадзянамі, якія знаходзяцца ў стане алкагольнага ап'янення.

— У калектывах будзе арганізавана тлумачальная праца па выкананні правілаў пажарнай бяспекі.

Планам правядзення акцыі прадугледжаны сумесныя мерапрыемствы з прадстаўнікамі МНС, органамі па працы, занятасці і сацыяльнай абароне, жыллёва-камунальнай гаспадаркі па наведванні домаўладанняў і кватэр з ацэнкай бяспекі ўмоў пражывання. Асаблівая ўвага будзе ўдзелена адзінокім і адзінокім пажылым людзям, інвалідам, шматдзетным сем'ям.