- Навіны філіяла
Віншуем з прафесійным святам - Днём энергетыка!
Дарагія сябры, калегі, энергетыкі! Ад усёй душы віншуем Вас з прафесійным святам - Днём энергетыка!
Штогод 22 снежня наша краіна адзначае гэтае свята. Сімвалічна, што яно прыпадае на дзень зімовага сонцастаяння - самы кароткі светлавы дзень у годзе, калі праца энергетыкаў найбольш прыкметная.
Дзень энергетыка - асаблівае свята для ўсіх, хто звязаў сваё жыццё з энергетычнай галіной. Ён аб'ядноўвае спецыялістаў розных прафесій, у якіх ёсць адна агульная мэта - несці людзям святло і цяпло.
За складанай і адказнай задачай забеспячэння энергіяй спажыўцоў стаіць дакладная карпатлівая праца кожнага паасобку і зладжаная праца ўсяго калектыву ў цэлым. Дзякуючы прафесіяналізму і штодзённай працы энергетыкаў забяспечваюцца патрэбнасці насельніцтва і прадпрыемстваў усіх галін эканомікі ў электрычнай і цеплавой энергіі.
Асаблівыя словы падзякі - ветэранам галіны, якія прысвяцілі найбольш плённыя гады свайго жыцця развіццю энергетыкі і на працягу доўгага часу добрасумленна выконвалі свае прафесійныя абавязкі.
Паважаныя калегі, напярэдадні цудоўнага свята - Дня энергетыка, хочацца пажадаць Вам шчасця, дабрабыту, новых поспехаў і дасягненняў, пазітыўнай энергіі і душэўнага цяпла. Здароўя Вам і Вашым блізкім!
З павагай, дырэктар філіяла «Энергазбыт» РУП "Мінскэнерга" А.Г.Мароз