14 лютага 2024 года на пляцоўцы каля будынка ваеннага камісарыята Савецкага раёна г.Мінска адбыўся мітынг-рэквіем, прысвечаны Дню памяці воінаў-інтэрнацыяналістаў.

Удзельнікі мерапрыемства ўшанавалі памяць загінуўшых воінаў хвілінай маўчання і ўсклалі кветкі да памятнага знака воінам-інтэрнацыяналістам.

***

Штогод 15 лютага — у дзень памяці воінаў-інтэрнацыяналістаў — мы аддаём даніну павагі і ўдзячнасці ўсім тым, хто з гонарам і годнасцю выканаў свой воінскі абавязак за межамі сваёй Радзімы. Успамінаем тых, хто аддаў свае жыцці, абараняючы інтарэсы сваёй краіны і дапамагаючы іншым народам. Вашы доблесныя дзеі і мужнасць заўсёды будуць у нашых сэрцах і мы будзем берагчы вашу спадчыну.

Ад усёй душы жадаем воінам-інтэрнацыяналістам, іх родным і блізкім шчасця, удачы, здароўя і дабрабыту.

Памятаем, шануем, дзякуем за службу!