25 чэрвеня 1944 года ішоў 1100-ы дзень вайны... У гэты дзень у ходзе Віцебска-Аршанскай аперацыі войскі 6-й гвардзейскай і 43-й арміі 1-га Прыбалтыйскага фронту завяршылі акружэнне Віцебскага "катла" з пяццю танкавымі дывізіямі ворага.
25 чэрвеня 1944 года вызвалены Чавускі, Багушэўскі, Сенненскі, Бешанковіцкі раёны.

У вызваленні Чавускага раёна ўдзельнічалі 330-я стралковая дывізія (палкоўнік У.А.Гусеў) 121-га стралковага корпуса, 385-я стралковая дывізія (палкоўнік М.Ф.Супруноў) 38-га стралковага корпуса 50-й арміі 2-га Беларускага фронту; партызанскі полк "Трынаццаць" (камандзір С.У.Грышын).

Багушэўскі раён вызвалялі 144-я (палкоўнік А.А.Данец), 215-я (генерал-маёр А.А.Казаран) стралковыя дывізіі; 2-я гвардзейская танкавая брыгада (палкоўнік Я.Я.Духоўны) 5-й арміі 3-га Беларускага фронту; партызанскі атрад імя К.Я.Варашылава Багушэўскай партызанскай брыгады (камбрыг Я.М.Прахарэнка).

Сенненскі раён вызваляла 9-я гвардзейская механізаваная брыгада (палкоўнік П.І.Гарачаў) 3-га гвардзейскага механізаванага корпуса 3-га Беларускага фронту.

У вызваленні Бешанковіцкага раёна ўдзельнічалі 6-я гвардзейская (генерал-лейтэнант І.М.Чысцякоў), 43-я (генерал-лейтэнант А.П.Белабародаў) арміі 1-га Прыбалтыйскага фронту; партызанская брыгада 2-я Беларуская імя П.К.Панамарэнкі 2-га саставу (камандзір М.І.Дзьячкоў), якая 27 чэрвеня 1944 года злучылася з часцямі Савецкай Арміі.

Па матэрыялах:

https://peramoga.belta.by/ru/chronicle?id=272618