- Навіны філіяла
7-9 чэрвеня 2024 года на базе кемпінга "Клявое месца" прайшоў турыстычны злёт Савецкага раёна г.Мінска "Ганарымся табой Горад-герой"
7-9 чэрвеня 2024 года на базе кемпінга "Клёвае месца" супрацоўнікі філіяла "Энергазбыт" РУП "Мінскэнерга" прынялі ўдзел у Турыстычным злёце Савецкага раёна г.Мінска "Ганарымся табой Горад-герой"
Сёлета ў спартакіядзе турзлёту прынялі ўдзел 18 каманд ад розных арганізацый, прадпрыемстваў і ўстаноў Савецкага раёна. Арганізатары традыцыйна падрыхтавалі маштабную праграму, у якой знайшлося месца як спартыўным спаборніцтвам, так і творчым конкурсам.
Удзельнікі каманды нашага філіяла паказалі непераўзыдзены ўзровень падрыхтоўкі ў спартыўных спаборніцтвах турзлёту. Яны змагаліся за права называцца лепшымі ў спаборніцтвах па дартсе, тэхніцы веласіпеднага турызму, паркавым валейболе, а таксама турыстычных квэстах: "На востраў", "Форд Боярд".
Творчы фестываль бліжэй пазнаёміў удзельнікаў з розных сфер і прафесій. Кожная каманда прэзентавала візітную картку, падрыхтавала турыстычны эстрадны нумар, прадэманстравала кулінарныя навыкі ў конкурсе "Боршч на любы густ".
У выніку ўпартай барацьбы каманда філіяла "Энергазбыт" РУП "Мінскэнерга" атрымала некалькі ўзнагарод:
- Дыплом Гран-Пры ў творчым конкурсе "Беларусь са знакам якасці".
- Дыплом 1 ступені ў паркавым валейболе;
- Дыплом 2 ступені ў конкурсе «Боршч на любы густ»;
- Дыплом 2 ступені ў квэсты "На востраў";
- Дыплом 3 ступені ў квэсты «Форд Боярд»
- Дыплом 3 ступені па дартсе.
Па выніках усіх спаборніцтваў каманда філіяла "Энергазбыт" РУП "Мінскэнерга" заняла ПЕРШАЕ МЕСЦА ў агульнакамандным заліку турыстычнай і спартыўнай праграме турыстычнага злёту.
Ад усёй душы віншуем нашых калегаў з перамогай і жадаем далейшых спартыўных і творчых здзяйсненняў!
