У рамках правядзення сустрэч кіраўніцтва адміністрацыі Савецкага раёна г. Мінска з працоўнымі калектывамі і насельніцтвам 24 кастрычніка 2019 года прайшла сустрэча кіраўніка справамі Ананіч Наталлі Юр'еўны з працоўным калектывам філіяла «Энергазбыт» РУП «Мінскэнерга» у будынку філіяла па адрасе: вул.Б.Хмяльніцкага, 6.

Сустрэча праходзіла ў фармаце круглага стала. Асноўнымі тэмамі для абмеркавання сталі маючыя адбыцца выбары дэпутатаў Палаты прадстаўнікоў Нацыянальнага сходу Рэспублікі Беларусь сёмага склікання, а таксама перапіс насельніцтва Рэспублікі Беларусь 2019 года. Акрамя таго, падымаліся пытанні, звязаныя з жыллём, будаўніцтвам новых станцый метро, разглядаўся бягучы стан інфраструктуры Савецкага раёна г.Мінска і перспектывы сацыяльна-эканамічнага развіцця раёна.

У ходзе сустрэчы Наталля Юр'еўна наведала абноўлены разлікова-даведачны цэнтр, размешчаны на першым паверсе будынка, ацаніўшы яго зручнасць і сучаснасць, пагутарыла з работнікамі цэнтра. Як адзначыў у дыялогу намеснік дырэктара па агульных пытаннях і ідэалогіі Амбражэвіч Міхаіл Міхайлавіч, у першым квартале 2020 года тут плануецца ўвесці сістэму электроннай чаргі.