16 кастрычніка ў філіяле «Энергазбыт» РУП «Мінскэнерга» у рамках выканання плана мерапрыемстваў па папярэджанні пажараў прайшла супрацьпажарная трэніроўка.

Кіраўніцтва трэніроўкай ажыццяўляў намеснік дырэктара па агульных пытаннях і ідэалогіі Амбражэвіч Міхаіл Міхайлавіч. Мерапрыемства наведаў намеснік начальніка Савецкага раённага аддзела па надзвычайных сітуацыях Габрыновіч Дзмітрый Аляксандравіч, які выступіў перад калектывам філіяла

Праграма супрацьпажарнай трэніроўкі ўключыла чатыры этапы:
• правядзенне тэарэтычных заняткаў з усімі работнікамі;
• правядзенне пазапланавага iнструктажу па ахове працы на тэму «Выкананне правіл пажарнай бяспекі і дзеянні ў выпадку выяўлення пажару, парадак паведамлення аб пажары ў адпаведнасці з патрабаваннямі дзеючага стандарту»;
• падача сігналу па ўнутранай сувязі і эвакуацыя работнікаў;
• імітацыя ўзнікнення ачага ўзгарання і тушэнне ўмоўнага пажару.

Па выніках трэніроўкі начальнікі падраздзяленняў далажылі ў аддзел аховы працы аб колькасці персаналу, які прыняў удзел у трэніроўцы, і часе, за які персанал пакінуў будынак. Сярэдні час эвакуацыі склаў 2,45 хвіліны.