У жыцці кожнага з нас самы галоўны чалавек ‒ гэта мама. Менавіта з мамай мы пачынаем упэўнена ісці па жыцці, адчуваючы яе клопат, падтрымку і бясконцую любоў.

14 кастрычніка ў філіяле «Энергазбыт» РУП «Мінскэнерга» стартавала выстава дзіцячага малюнка, прысвечаная выдатнаму святу ‒ Дню маці.

Тэмай выставы стала «Мая мама самая ...». Бо ў кожнага для сваёй мамы ёсць так шмат «самая»: самая прыгожая, самая добрая,  самая лепшая.

Да размяшчэння прымаліся працы дзяцей супрацоўнікаў філіяла, адпаведныя зададзенай тэматыцы. Кожнае дзіця атрымала магчымасць праявіць свае творчыя здольнасці і такім чынам павіншаваць сваю маму. Акрамя таго, усе ўдзельнікі выставы атрымаюць салодкія падарункі. Святочныя экспазіцыі арганізаваны ў будынках філіяла як у Мінску, так і ў Мінскай вобласці.

Калектыў філіяла «Энергазбыт» РУП «Мінскэнерга» віншуе ўсіх мам са святам!