31 кастрычніка ў філіяле «Энергазбыт» РУП «Мінскэнерга» была арганізавана сустрэча непрацуючых пенсіянераў. Дадзенае мерапрыемства ўжо стала добрай традыцыяй і з кожным годам збірае ўсё больш удзельнікаў. Так, у гэтым годзе на сустрэчу прыехалі каля 40 чалавек.

У рамках сустрэчы прайшоў сход, на якім выступілі намеснік дырэктара па агульных пытаннях і ідэалогіі Амбражэвіч Міхаіл Міхайлавіч і старшыня першаснай прафсаюзнай арганізацыі філіяла Анішчанка Ала Анатольеўна. Яны распавялі пра жыццё філіяла і калектыву, у дыялогу з удзельнікамі сустрэчы абмеркавалі пытанні медыцынскага страхавання, нагадалі аб існуючых для непрацуючых пенсіянераў сацыяльных гарантыях па калектыўным дагаворы і магчымасцях аздараўлення, адказалі на хвалюючыя пытанні.

На сходзе таксама прысутнічала Калеснік Жанна Мікалаеўна, фельчар-валеолаг Гарадскога цэнтра здароўя Санітарна-эпідэміялагічнай службы горада Мінска. Жанна Мікалаеўна пагутарыла з удзельнікамі сустрэчы пра тое, як абараніць сябе ад вірусаў і прастуд ў халодную пару года, пра спосабы нармалізацыі артэрыяльнага ціску і прафілактыцы інсультаў.

Пасля заканчэння сходу госці адправіліся ў Рэспубліканскі тэатр беларускай драматургіі, дзе для іх быў арганізаваны салодкі фуршэт і прагляд выдатнага спектакля «Тры Жызэлі».

Варта адзначыць, што падобныя сустрэчы заўсёды праходзяць у вельмі прыемнай і сяброўскай абстаноўцы, неацэнна бачыць радасць і цеплыню шчырых сустрэч нашага старэйшага пакалення.