У кастрычніку ў філіяле «Энергазбыт» РУП «Мінскэнерга» прайшоў традыцыйны восеньскі месячнік па навядзенні парадку на зямлі, добраўпарадкаванні і азеляненні тэрыторый. Штогод працоўная акцыя арганізуецца з мэтай актывізацыі работ па ўборцы і забеспячэнню належнага санітарнага стану аб'ектаў, якія знаходзяцца ў гаспадарчым вядзенні філіяла, а таксама прылеглых і замацаваных тэрыторый.

У гэтым годзе ў восеньскім месячніку прынялі ўдзел 350 чалавек. Супрацоўнікі філіяла збіралі апалае лісце і смецце, прыбіралі азеляненыя тэрыторыі, падрыхтоўвалі кветнікі да халоднага часу года, упрыгожвалі кветачніцы ігліцай. У ходзе месячніка арганізавана навядзенне парадку на працоўных месцах, выкананы абразанне дрэў, афарбоўка абсталявання і аснасткі ў рамонтнай зоне, вываз цвёрдых бытавых адходаў. У рамках падрыхтоўкі да зімовага перыяду ажыццёўлена праверка наяўнага і закупка дадатковага снегаўборачнага інвентара, пясчана-салянай сумесі, сігнальнай стужкі i агароджаў для яе мацавання.

Кастрычнік парадаваў усіх добрым надвор'ем і цяплом, што, несумненна, паспрыяла правядзенню месячніка. Дзякуючы агульным намаганням работнікаў філіяла ўсе пастаўленыя задачы вырашаны, а будынак філіяла па адрасе вул.Б.Хмяльніцкага, 6 заняў першае месца ў раённым аглядзе-конкурсе на лепшае добраўпарадкаванне, кветкавае афармленне і санітарнае трыманне тэрыторыі Савецкага раёна г. Мінска ў 2019 годзе ў намінацыі «Лепшая тэрыторыя прамысловага прадпрыемства Савецкага раёна».