- Навіны філіяла
Вялікая Айчынная вайна ў гісторыі кожнай сям'і: супрацоўнікі філіяла «Энергазбыт» аб сваіх блізкіх
Пад знакам Года гістарычнай памяці ў філіяле «Энергазбыт» РУП «Мінскэнерга» прайшла акцыя «Галерэя памяці», прымеркаваная да Дня ўсенароднай памяці ахвяр Вялікай Айчыннай вайны і генацыду беларускага народа.
Ініцыятарамі акцыі выступілі першасная арганізацыя РГА «Белая Русь» і Савет моладзі філіяла.
Работнікі расказалі пра сваіх блізкіх – удзельнікаў вайны, пра звычайных людзей, якія абаранілі родную зямлю, пра іх неверагодную мужнасць, гераізм, стойкасць і самаахвярнасць.
У акцыі прынялі ўдзел больш за 50 супрацоўнікаў. Яны шукалі фатаграфіі, вывучалі архіўныя матэрыялы, успаміналі подзвігі сваіх сваякоў. Па макулінках супрацоўнікі аднаўлялі сваю гісторыю вайны. У кожнай сям'і яна свая. Нехта расказаў пра тых, хто змагаўся на полі бою, нечыя родныя прайшлі блакаду, працавалі ў тыле.
Сёння на падставе сабраных матэрыялаў у будынку філіяла па вул.Б.Хмяльніцкага ў Мінску адкрыта выстава.