Штогод у апошнюю нядзелю чэрвеня Беларусь адзначае Дзень моладзі і студэнцтва – свята, якое апявае крэатыў, энергію і патэнцыял тых, за кім стаіць будучыня нашай краіны.

Матываваныя, адукаваныя і прадпрымальныя маладыя людзі з'яўляюцца залогам паспяховага развіцця любой дзяржавы.

Прадстаўнікі беларускай моладзі праяўляюць актыўнасць ва ўсіх сферах жыцця грамадства, уносяць значны ўклад у нарошчванне эканамічнага патэнцыялу нашай краіны, павышэнне яе палітычнага аўтарытэту, адстойваюць гонар Радзімы на міжнародных спартыўных спаборніцтвах і культурных конкурсах, распрацоўваюць навуковыя праекты, удзельнічаюць у сацыяльна значных ініцыятывах.

19 чэрвеня 2021 г. пастановай Савета Міністраў №349 зацверджана Стратэгія развіцця дзяржаўнай маладзёжнай палітыкі Рэспублікі Беларусь да 2030 года. Да асноўных прыярытэтаў стратэгіі аднесены:

˗ павышэнне якасці нацыянальнай сістэмы адукацыі і падрыхтоўка кваліфікаваных кадраў;

˗ грамадзянскае і патрыятычнае выхаванне моладзі;

˗ занятасць моладзі;

˗ здароўе моладзі;

˗ захаванне сямейных каштоўнасцей і падтрымка маладой сям'і;

˗ моладзь у грамадска-палітычным жыцці краіны;

˗ маладзёжныя грамадскія аб'яднанні;

˗ прававое выхаванне моладзі.

У філіяле «Энергазбыт» РУП «Мінскэнерга» працуе 1420 чалавек, з іх 342 чалавекі моладзь да 31 года (24% ад агульнай колькасці работнікаў). За кошт размеркавання маладых спецыялістаў штогод абнаўляецца кадравы склад філіяла. У 2022 годзе на працу ў арганізацыю прыйшлі 15 маладых спецыялістаў.

Наймальнікам прадугледжаны шэраг мер па абароне працоўных і сацыяльна-эканамічных правоў і інтарэсаў моладзі, замацаванню ў філіяле маладых кадраў. Арганізаваны стажыроўка маладых спецыялістаў, павышэнне кваліфікацыі, уключэнне ў рэзерв на кіруючыя пасады маладых супрацоўнікаў, якія маюць значныя поспехі ў рабоце. Маладым спецыялістам, размеркаваным на працу па-за пастаяннага месца жыхарства, часткова кампенсуюцца расходы на пражыванне. Аказваецца матэрыяльная дапамога работнікам, прызваным на тэрміновую ваенную службу і якія вярнуліся пасля заканчэння гэтай службы на ранейшае месца працы. Для аб'яднання маладых работнікаў, прыцягнення іх да актыўнай грамадскай, прафесійнай і творчай дзейнасці ў філіяле дзейнічае Савет моладзі.