- Навіны філіяла
У філіяле «Энергазбыт» абмеркавалі ролю сямейных каштоўнасцяў у грамадстве
Дыялогавая пляцоўка «Дабрабыт сям'і ‒ дабрабыт грамадства» прайшла ў філіяле «Энергазбыт» РУП «Мінскэнерга» 28 ліпеня.
У мерапрыемстве прынялі ўдзел кіраўніцтва і актыў філіяла.
Спікерамі выступілі Наталля Ананіч, намеснік кіраўніка адміністрацыі Савецкага раёна г.Мінска, і іерэй Яўген Фісенкін, клірык прыхода свяціцеля Мікалая Японскага г.Мінска.
На сустрэчы абмеркавалі традыцыйныя сямейныя каштоўнасці, дынаміку і статыстыку сям'і, прыярытэты беларускай моладзі ў пытаннях стварэння сям'і і выхавання дзяцей, існуючыя меры падтрымкі сем'яў, пагаварылі аб прынцыпах стварэння здаровай і паспяховай сям'і, неабходнасці павышэння статусу бацькоўства, прафілактыцы негатыўных з'яў у сферы сямейных адносін.
Дырэктар філіяла Аляксандр Мароз адзначыў, што добрая сямейная абстаноўка дома заўсёды станоўча адбіваецца на рабоце. Прадпрыемства зацікаўлена, каб у супрацоўнікаў былі моцныя сямейныя адносіны, і надае вялікую ўвагу падтрымцы сем'яў работнікаў.
Падчас гутаркі прадстаўнікі працоўнага калектыва філіяла «Энергазбыт» змаглі падзяліцца сваім меркаваннем і задаць хвалюючыя пытанні.