На мінулым тыдні ў горадзе Мар'іна Горка прайшла сустрэча калектыву Пухавіцкага міжраённага аддзялення філіяла «Энергазбыт» РУП «Мінскэнерга» з кіраўніком спраў Мінскага абласнога выканаўчага камітэта Уладзімірам Гурыновічам і кіраўніком спраў Пухавіцкага раённага выканаўчага камітэта Людмілай Бельскай.

У ходзе сустрэчы Уладзімір Аляксандравіч распавёў пра перспектывы сацыяльна-эканамічнага развіцця Пухавіцкага раёна і Мінскай вобласці. Былі закрануты тэмы працы са зваротамі грамадзян і аказання адміністрацыйных працэдур. Так, за першае паўгоддзе 2020 года Пухавіцкім аддзяленнем аказаны 168 адміністрацыйных працэдур па выдачы даведак аб разліках за электрычную энергію, афармленні ільготаў насельніцтву, падключэнню электраўстановак юрыдычных асоб да электрычных сетак.

Уладзімір Аляксандравіч адзначыў высокі ўзровень арганізацыі работы Пухавіцкага аддзялення. Кіраўнікі справамі наведалі разлікова-даведачны цэнтр, дзе для прыёму грамадзян абсталяваны сучасныя працоўныя месцы, створана безбар'ернае асяроддзе. Для зручнасці спажыўцоў маюцца аўтамабільная і веласіпедная паркоўкі. Таксама існуе магчымасць аплаты электрычнай энергіі і платных паслуг непасрэдна на месцы з дапамогай банкаўскага тэрмінала.