- Навіны філіяла
СУПРАЦЬПАЖАРНАЯ ТРЭНІРОЎКА Ў ФІЛІЯЛЕ «ЭНЕРГАЗБЫТ»
11 чэрвеня ў філіяле «Энергазбыт» РУП «Мінскэнерга» прайшла планавая супрацьпажарная трэніроўка па эвакуацыі персаналу і тушэнні ўмоўнага пажару.
На падрыхтоўчых этапах з работнікамі праводзіліся тэарэтычныя заняткі, а таксама пазапланавы інструктаж па тэме: «Выконванне правіл пажарнай бяспекі і дзеянні ў выпадку выяўлення пажару».
Згодна з праграмай правядзення трэніроўкі ў будынку філіяла ўмоўна спрацавала пажарная сігналізацыя, якая запусціла сістэму абвесткі персаналу аб эвакуацыі. Супрацоўнікі арганізавана спусціліся па незадымленай лесвіцы, пакінулі будынак і прыбылі да месца збору. Таксама была ажыццёўлена імітацыя ўзнікнення ачага ўзгарання, у тушэнні якога змаглі паспрабаваць свае сілы самі работнікі філіяла.
Па выніках трэніроўкі начальнікі падраздзяленняў далажылі ў аддзел аховы працы аб колькасці персаналу, які прыняў удзел у трэніроўцы, і часе, за які персанал пакінуў будынак. Сярэдні час эвакуацыі склаў 3,5 хвіліны.