9 кастрычніка ў філіяле «Энергазбыт» РУП «Мінскэнерга» у рамках выканання плана мерапрыемстваў па папярэджванні пажараў прайшла супрацьпажарная трэніроўка.

У трэніроўцы прынялі ўдзел першы намеснік начальніка Савецкага раённага аддзела па надзвычайных сітуацыях Філіпаў Сяргей Яўгенавіч і вядучы інжынер па пажарнай бяспецы РУП «Мінскэнерга» Дубаневіч Дзмітрый Мікалаевіч.

Праграма супрацьпажарнай трэніроўкі ўключала пяць этапаў (у тым ліку два падрыхтоўчых):

1) правядзенне тэарэтычных заняткаў з усімі работнікамі падраздзяленняў філіяла;

2) правядзенне пазапланавага iнструктажу па тэме «Выкананне правіл пажарнай бяспекі і дзеянні ў выпадку выяўлення пажару»;

3) эвакуацыя персаналу;

4) імітацыя ўзнікнення ачага ўзгарання;

5) тушэнне ўмоўнага пажару. 

Па выніках трэніроўкі начальнікі падраздзяленняў далажылі ў аддзел аховы працы аб колькасці персаналу, які прыняў удзел у трэніроўцы, і часе, за які персанал пакінуў будынак. Сярэдні час эвакуацыі склаў 3,1 хвіліны.