- Навіны філіяла
Бяспечная электрычнасць
Часта дзеці не ўсведамляюць пагрозы, якую нясе ў сабе электрычнасць, і могуць трапіць у бяду. Менавіта таму так важна надаваць увагу растлумачэнню асноў электрабяспекі.
Напярэдадні Новага года і канікул у школьнікаў супрацоўнікі філіяла «Энергазбыт» РУП «Мінскэнерга» правялі ўрокі электрабяспекі з навучэнцамі ўстаноў адукацыі Мінска, Маладзечна, Клецка, Нясвіжа і іншых гарадоў Мінскай вобласці. Падчас урокаў навучэнцам распавялі, чым небяспечна электрычнасць, патлумачылі правілы электрабяспекі дома і на вуліцы, прадэманстравалі знакі, якія папярэджваюць пра небяспеку паразы электрычным токам.
Памятайце: дарослыя ‒ прыклад для дзяцей. Выконвайце правілы электрабяспекі, беражыце сябе і сваіх блізкіх!