22 снежня ‒ самы кароткі светавы дзень у годзе, але пры гэтым ён самы яркі: менавіта ў гэты дзень адзначаюць сваё прафесійнае свята работнікі энергетычнай галіны.

Сёння энергетычны сектар ‒ гэта аснова дзейнасці ўсіх галін эканомікі і ўтульнасці ў нашых дамах, нацыянальны набытак, які створаны і прымнажаецца сапраўднымі прафесіяналамі сваёй справы. Сваёй працай энергетыкі забяспечваюць не толькі ўстойлівае функцыянаванне прадпрыемстваў, але і ствараюць камфортныя ўмовы для нашага жыцця, дзякуючы ім у нашых дамах ёсць святло і цяпло.

Асаблівую павагу і словы ўдзячнасці ветэранам галіны, якія прысвяцілі сваё жыццё энергетыцы, ўнеслі вялікі ўклад у яе станаўленне і развіццё. Сімвалічна, што Дзень энергетыка адзначаецца напярэдадні Новага года, калі ў паветры адчуваецца асаблівая цёплая атмасфера, а ў вокнах дамоў запальваюцца святочныя агні. 

Дарагія сябры! Паважаныя калегі! Прыміце нашы самыя шчырыя віншаванні з Днём энергетыка, надыходзячым Новым годам і Калядамі. Шчасця і здароўя Вам і Вашым блізкім, дабрабыту, поспехаў і толькі станоўчай энергіі.