- Навіны філіяла
ЭНЕРГІЯ ДАБРА: ДАБРАЧЫННАЯ АКЦЫЯ «НАШЫ ДЗЕЦІ»
У большасці людзей Новы год асацыюецца з цеплынёй і ўтульнасцю сямейнага ачага, атмасферай весялосці і чараўніцтва, калі ўся сям'я збіраецца разам, калі ўсе дораць адзін аднаму падарункі.
Асабліва чакаюць гэтага свята дзеці, але, на жаль, некаторым хлопчыкам и дзяўчынкам значна цяжэй па-сапраўднаму пранікнуцца радасцю зімовых святаў. Сярод іх выхаванцы дзіцячых дамоў і сацыяльных прытулкаў, дзеці з малазабяспечаных сем'яў, дзеці з асаблівасцямі псіхафізічнага развіцця і тыя, хто знаходзіцца на лячэнні. Менавіта каб падзяліцца сваім клопатам і ўвагай з тымі, каму яны так патрэбныя, праводзіцца рэспубліканская навагодняя дабрачынная акцыя «Нашы дзеці».
У 2020 годзе акцыя «Нашы дзеці» стартавала 10 снежня і працягнецца па 10 студзеня 2021 года. Па традыцыі сярод супрацоўнікаў філіяла «Энергазбыт» РУП «Мінскэнерга» быў арганізаваны добраахвотны збор сродкаў. У рамках акцыі была набыта неабходная бытавая тэхніка для Дзіцячага дома №5 г.Мінска, аказана дапамога сацыяльна-педагагічным цэнтрам, малазабяспечаным сем'ям, дзецям з асаблівасцямі псіхафізічнага развіцця і тым, каму патрэбна лячэнне.
Работнікі філіяла падарылі хлапчукам і дзяўчынкам салодкія падарункі, цацкі, адзенне, кнігі. Хочацца сказаць вялікі дзякуй усім, хто прыняў ўдзел у навагодняй дабрачыннай акцыі. А дзеткам пажадаць выканання іх самых запаветных жаданняў, шчасця і дабра.