Штогадовы прафесійны агляд-конкурс «Лепшы па прафесіі» сярод інжынераў-інспектараў і электраманцёраў па эксплуатацыі электралічыльнікаў прайшоў у філіяле «Энергазбыт» РУП «Мінскэнерга» з 14 па 22 снежня 2020 года.

З мэтай забеспячэння санітарна-эпідэміялагічнага дабрабыту супрацоўнікаў філіяла зведаў некаторыя змены звыклы фармат правядзення. На першым этапе па выніках ацэнкі паказчыкаў дзейнасці работнікаў, прадстаўленых начальнікамі аддзяленняў філіяла, былі вызначаны ўдзельнікі ад кожнага аддзялення. Сярод лепшых інжынераў-інспектараў была праведзена тэарэтычная праверка ведаў, у выніку якой першае месца заняў прадстаўнік Клецкага міжраённага аддзялення Касякоўскі Алег Казіміравіч. Па выніках праведзенага дыстанцыйнага апытання і параметрызацыі статычнага лічыльніка электраэнергіі з улікам паказчыкаў, прадстаўленых начальнікамі аддзяленняў філіяла, першым у намінацыі электраманцёр па эксплуатацыі электралічыльнікаў стаў Гурэвіч Фелікс Ігаравіч з Вілейскага міжраённага аддзялення. 

У канцы снежня 2020 года філіяле таксама падвялі вынікі завочнага конкурсу «Лепшы па прафесіі» сярод лінейных кантралёраў. Цікавым складнікам конкурсу сталі самапрэзентацыі ўдзельнікаў, дзе ацэньваліся не толькі іх веды, але і ўменні па выкарыстанні вербальных і невербальных сродкаў камунікацыі, навыкі ўпэўненых паводзінаў, ўлічваліся прапановы па паляпшэнню арганізацыі вытворчага працэсу і якасці абслугоўвання спажыўцоў, стаўленне да прафесіі. Па суме балаў за ўсе этапы конкурсу першае месца заняла кантралёр Слуцкага міжраённага аддзялення Кацянкова Таццяна Леанідаўна, другое ‒ Яршэвічы Таццяна Пятроўна з Маладзечанскага міжраённага аддзялення, трэцяе ‒ прадстаўнік Стаўбцоўскага міжраённага аддзялення Курбанава Наталля Міхайлаўна.

Віншуем пераможцаў конкурсаў і жадаем ім далейшых прафесійных поспехаў і новых дасягненняў.