- Навіны філіяла
Спаборніцтвы па валейболе ў філіяле «ЭНЕРГАЗБЫТ» РУП «МІНСКЭНЕРГА»
У мінулыя выхадныя адбыўся чарговы этап круглагадовай спартакіяды філіяла «Энергазбыт» РУП «Мінскэнерга» ‒ спаборніцтвы па валейболе. Спаборніцтвы праходзілі на спартыўных базах Федэрацыі Прафсаюзаў Беларусі ў Ратамцы і Ждановічах, а таксама на базе спартыўнага комплексу санаторыя «Зялёны бор».
Судзейскую брыгаду ўзначаліў галоўны інжынер філіяла Егіпцаў Алег Віктаравіч, таксама ў яе склад увайшлі суддзі вышэйшай нацыянальнай катэгорыі Забела Аляксандр Міхайлавіч, Прыгічава Іна Іосіфаўна, Ліхута Вадзім Уладзіміравіч.
У сутычцы за першае месца сышліся 12 каманд, якія былі падзеленыя на тры групы. Кожная каманда згуляла па тры матчы. У паўфінал выйшлі каманды, якія перамаглі ў сваіх групах, а таксама каманда, якая набрала большую колькасць балаў сярод тых, якія апынуліся другімі.
Удзельнікі спаборніцтваў паказалі відовішчную і інтрыгуючую гульню. Вострая барацьба, рызыка, эмацыйны напал, але пры гэтым дружалюбная атмасфера і радасць сустрэчы ‒ усе гэтыя паняцці як нельга лепш апісваюць дух мінулых спаборніцтваў.
- Па выніках спаборніцтваў прызавыя месцы размеркаваліся наступным чынам:
- Маладзечанскае міжраённае аддзяленне ‒ 1 месца;
- Аддзяленне па збыце электрычнай энергіі Мінскага раёна ‒ 2 месца;
- Вілейскае міжраённае аддзяленне, якое трохі апярэдзіла каманду са Слуцка, ‒ 3 месца.
Падчас урачыстага падвядзення вынікаў дырэктар філіяла Шэршань Андрэй Пятровіч і старшыня першаснай прафсаюзнай арганізацыі Анішчанка Ала Анатольеўна ўручылі пераможцам і прызёрам спаборніцтваў медалі і дыпломы, падзякавалі ўсім прысутным за актыўны ўдзел і пажадалі далейшых спартыўных і творчых поспехаў.