Дарагія жанчыны! Сённяшняе свята прысвечана самым блізкім і родным людзям ‒ нашым мамам.

Мама ‒ гэта слова знаёма нам з дзяцінства, ад яго вее цяплом, пяшчотай і бязмежнай любоўю. Мама дорыць жыццё, знаёміць нас са светам. Мы расцем, змяняемся, змяняецца свет, але мама заўсёды побач. Яна дапамагае, падтрымлівае, падзяляе нашы перамогі і паразы.

Быць маці ‒ гэта шчасце і вялікая адказнасць, велізарная душэўная і фізічная праца, якая патрабуе ад жанчыны цярпення і самааддачы.

У штодзённай мітусні мы часам забываемся падзякаваць нашым мамам. Дзень маці ‒ выдатная магчымасць зрабіць гэта, выказаць сваю ўдзячнасць за дабрыню і клопат, за мудрасць і разуменне, за ўсё, што нашы мамы робяць для нас. Менавіта матчына любоў сагравае нас у цяжкія часы, дапамагае нам верыць у сябе.

Моцнага вам здароўя, сямейнага шчасця і дабрабыту, узаемаразумення, радасці і гонару за сваіх дзяцей, дарагія мамы. Дзякуй вам, што вы ёсць.