- Навіны філіяла
Восеньская ўборка ў філіяла " Энергазбыт "РУП"Мінскэнерга"
У кастрычніку работнікі філіяла «Энергазбыт» РУП «Мінскэнерга» традыцыйна далучыліся да восеньскага месячніка па навядзенні парадку на зямлі, добраўпарадкаванню і азеляненню тэрыторый.
Штогод працоўная акцыя праводзіцца з мэтай актывізацыі работ па ўборцы і забеспячэнню належнага санітарнага стану аб'ектаў, якія знаходзяцца ў гаспадарчым веданні філіяла, а таксама прылеглых і замацаваных тэрыторый.
Падчас месячніка ажыццёўлена навядзенне парадку на вонкавых тэрыторыях, ачышчаны ад апалай лістоты і смецця газоны і тратуары, падрыхтаваны да халоднай пары года кветнікі, упрыгожаны ігліцай кветачніцы, арганізаваны вываз смецця. Супрацоўнікі філіяла прынялі актыўны ўдзел у добраўпарадкаванні замацаваных за філіялам тэрыторый і аб'ектаў. У Мінску выканана ўборка зялёнай зоны ўздоўж вул. Я.Коласа, а таксама праезнай часткі па вул. Б.Хмяльніцкага.
Эстафету чысціні падтрымалі і работнікі міжраённых аддзяленняў філіяла, якія навялі парадак не толькі на падведамных аб'ектах, але і на замацаваных раённымі выканаўчымі камітэтамі тэрыторыях у Маладзечне, Вілейцы, Слуцку, Салігорску, Клецку, Стоўбцах, Мар'інай Горцы і іншых гарадах.