Аддзел забеспячэння дзейнасці філіяла з'яўляецца самастойным структурным падраздзяленнем філіяла "Энергазбыт" Рэспубліканскага унітарнага прадпрыемства электраэнергетыкі "Мінскэнерга".

Аддзел адказвае за комплекснае, своечасовае і бесперабойнае забеспячэнне патрэбнасці філіяла ўсімі відамі сыравіны, таварамі, камплектуючымі вырабамі, расходнымі матэрыяламі ў колькасці, якая забяспечвае эфектыўнае функцыянаванне філіяла.

У асноўныя функцыі і задачы аддзела таксама ўваходзіць:

-арганізацыя сістэматычнага назірання, правільнай эксплуатацыі, абслугоўвання будынкаў і збудаванняў філіяла;

-правядзенне рамонтна-будаўнічых работ будынкаў і збудаванняў філіяла;

-арганізацыя, планаванне, кантроль за ходам работ пры праектаванні, будаўніцтве, рэканструкцыі, мадэрнізацыі будынкаў і збудаванняў філіяла;

-забеспячэнне ўборкі памяшканняў і замацаванай тэрыторыі аб'ектаў філіяла, кантроль за выкананнем парадку на аб'ектах філіяла ў адпаведнасці з прынятымі ў РУП "Мінскэнерга" і агульнарэспубліканскімі санітарна-гігіенічнымі нормамі.

-рэгістрацыя нерухомай маёмасці ў агенцтвах па дзяржаўнай рэгістрацыі і зямельным кадастры;

 -падбор плошчаў для наступнага афармлення дагавораў арэнды будынкаў і збудаванняў філіяла з разлікам камунальных плацяжоў.

Варта адзначыць і непасрэдную мультыфункцыянальнасць аддзела для якога няма невыканальных задач, а таксама здольнасці высокакваліфікаванага персанала, мужна і самааддана выконваць свае абавязкі. Аддзел аб'ядноўвае ў сваёй дзейнасці менеджэраў, юрыстаў, рыэлтараў, будаўнікоў, электрыкаў, сантэхнікаў і іншыя спецыяльнасці. У сваёй рабоце яны кіруюцца патрабаваннямі дзеючага заканадаўства Рэспублікі Беларусь, лакальна-прававымі і тэхнічнымі нарматыўна-прававымі актамі філіяла і вышэйстаячых арганізацый.

У 2024 годзе для якаснага абслугоўвання спажыўцоў створаны і адкрыты сучасны разлікова-сэрвісны цэнтр у шматфункцыянальным гандлёвым цэнтры "Першы нацыянальны гандлёвы дом" па адрасе: г.Мінск, праспект Незалежнасці, д.134, а таксама пабудаваны і ўведзены ў эксплуатацыю аб'ект "Будаўніцтва і абслугоўванне адміністрацыйнага будынка з гаражнымі і складскімі боксамі па вул.Пакроўскага ў г.п. Рудзенск, Пухавіцкага раёна Мінскай вобласці», які стаў пілотным праектам для філіяла «Энергазбыт».