- Навіны філіяла
Пераможцаў агляду-конкурсу на лепшае навагодняе афармленне ўзнагародзілі ў Савецкім раёне
У Савецкім раёне ўзнагародзілі пераможцаў агляду-конкурсу на лепшае навагодняе афармленне, які праводзіцца ў рамках мерапрыемстваў, прысвечаных сустрэчы Новага года і Калядаў.
Мэта мерапрыемства - павышэнне мастацка-эстэтычнай выразнасці фасадаў, вітрын, уваходных зон будынкаў арганізацый і прылеглых тэрыторый, а таксама стварэнне святочнага вобраза Савецкага раёна ў перыяд правядзення навагодніх і калядных свят. Арганізатарамі конкурсу выступілі: адміністрацыя Савецкага раёна г. Мінска, Савецкі раённы камітэт ГА "БРСМ", Савецкая г. Мінска арганізацыя РГА "Белая Русь", Савецкае раённае г. Мінска аб'яднанне арганізацый прафсаюзаў; агульную каардынацыю і кіраўніцтва - ажыццяўляе ўпраўленне ідэалагічнай работы, культуры і па справах моладзі. У аглядзе-конкурсе бяруць удзел арганізацыі, якія ажыццяўляюць сваю дзейнасць на тэрыторыі Савецкага раёна г. Мінска.
Дыпломам II ступені ў намінацыі "Лепшае навагодняе афармленне прамысловых прадпрыемстваў, банкаў, арганізацый транспарту і сувязі і іншых дзяржаўных устаноў" узнагароджаны філіял "Энергазбыт" РУП "Мінскэнерга".
Як адзначыў у сваім выступе кіраўнік адміністрацыі Савецкага раёна Сяргей Анатольевіч Хільман, дзякуючы ўдзельнікам дадзенага конкурсу мінчане і госці сталіцы могуць атрымліваць асалоду ад прыгажосці, чысціні горада, і ў прыватнасці, Савецкага раёна, які лічыцца адным з самых добраўпарадкаваных. Таксама немалаважным з'яўляецца і той факт, што прэтэндэнтаў на перамогу штогод становіцца ўсё больш, а гэта значыць, што колькасць неабыякавых да дабрабыту раёна гараджан расце.