11 красавіка 2023 года дэлегацыя філіяла «Энергазбыт» РУП «Мінскэнерга» пад кіраўніцтвам намесніка дырэктара па збыце Андрэя Мікалаевіча Клімовіча прыняла ўдзел у мітынгу-рэквіем у мемарыяльным комплексе «Трасцянец», прымеркаваным да Міжнароднага Дня вызвалення вязняў фашысцкіх канцлагераў.

У гэтую сумную дату ўвесь свет успамінае тых, хто за калючым дротам змагаўся са смерцю ў гады Другой сусветнай вайны. Міжнародны дзень вызвалення вязняў фашысцкіх канцлагераў устаноўлены ў памяць аб інтэрнацыянальным паўстанні ў Бухенвальдзе 11 красавіка 1945 года. З 18 мільёнаў чалавек, якія трапілі ў канцлагер, 12 мільёнаў былі знішчаны. На тэрыторыі Беларусі нацысты стварылі каля 250 лагераў для савецкіх ваеннапалонных, 350 лагераў, турмаў і іншых месцаў прымусовага ўтрымання грамадзянскага насельніцтва.

Сёння ў святле новых фактаў, якія становяцца вядомыя, падзеі тых дзён успрымаюцца асабліва востра.