26 красавіка 1986 года, у памяшканні 4-га энергетычнага блока Чарнобыльскай АЭС, размешчанай на тэрыторыі Украіны ў непасрэднай блізкасці ад беларускай мяжы, адбыўся магутны выбух.

Трыццаць сем гадоў таму гэтае страшнае слова "Чарнобыль" прагучала на ўсю планету, абвясціўшы свету аб самай маштабнай катастрофе ХХ стагоддзя. Ахвяруючы сабой, тысячы нашых суайчыннікаў прынялі ўдзел у ліквідацыі аварыі на ЧАЭС, наступствы якой неслі пагрозу для насельніцтва не толькі былога Савецкага Саюза, але і іншых еўрапейскіх краін. Жыхары бліжэйшых тэрыторый былі эвакуяваныя, а заражаная радыяцыяй мясцовасць стала зонай адчужэння. Каля 47 тыс.кв. км. (23% тэрыторыі) было забруджана цэзіем-137 з шчыльнасцю вышэй за 37 кіло-бекерэляў на кв. м. у выніку Чарнобыльскай катастрофы ў зоне радыеактыўнага забруджвання апынулася 678 гарадоў і вёсак нашай краіны.

Аварыя на ЧАЭС забрала жыцці і забрала здароўе многіх людзей, якія ўступілі ў няроўную бітву з катастрофай, кожны пяты жыхар Беларусі стаў ахвярай Чарнобыля і, вядома ж, у нашай краіне шануюць памяць аб чарнобыльскіх падзеях. У многіх населеных пунктах Беларусі ў памяць аб адселеных пасля аварыі на Чарнобыльскай АЭС вёсках устаноўлены манументы, памятныя знакі.

Чарнобыльская аварыя-урок жорсткі! Маладое пакаленне павінна атрымаць гэты ўрок з памылак, якія дапусцілі людзі, і зберагчы сваіх дзяцей, сябе, нашчадкаў ад падобных бед.

Нізкі паклон і вечная памяць героям ліквідатарам Чарнобыльскай аварыі. Няхай жа захаваецца памяць аб тых трагічных днях, каб на нашай зямлі ніколі не паўтарыўся Чарнобыль!