- Навіны спажыўцам
XXVI Беларускі энергетычны і экалагічны форум «Energy Expo» пройдзе ў Мінску 11-14 кастрычніка
У адпаведнасці з распараджэннем Прэм'ер-міністра ад 15 ліпеня 2022 года №199р створаны арганізацыйны камітэт па падрыхтоўцы і правядзенню форуму, а таксама выстаўкі «Энергетыка. Экалогія. Энергазберажэнне. Электра».
Узначаліў аргкамітэт Міністр энергетыкі Віктар Каранкевіч. У яго склад увайшлі прадстаўнікі Міністэрства прыродных рэсурсаў і аховы навакольнага асяроддзя, Міністэрства архітэктуры і будаўніцтва, Міністэрства сувязі і інфарматызацыі, Міністэрства адукацыі, Нацыянальнай акадэміі навук, Дзяржаўнага камітэта па стандартызацыі, дзяржаўных вытворчых аб'яднанняў «Белэнерга» і «Белтопгаз», канцэрна «Белнафтахім, ЗАТ «Тэхніка і камунікацыі».
Аргкамітэту даручана распрацаваць графік мерапрыемстваў форуму і выставы, забяспечыць скаардынаваную работу па фарміраванні яе экспазіцыі.
Форум «Energy Expo» праводзіцца штогод. Мерапрыемства накіравана на прэзентацыю дасягненняў паліўна-энергетычнага комплексу, прасоўванне лепшых інавацыйных распрацовак у сферы электраэнергетыкі, газавай галіны, энерга- і рэсурсазберагальных тэхналогій, лічбавага развіцця.
Па інфармацыі афіцыйнага сайта Міністэрствы энергетыкі Рэспублікі Беларусь
https://minenergo.gov.by