У сувязі з уступленнем у сілу з 01.05.2021 пастановы Савета Міністраў Рэспублікі Беларусь ад 02.04.2021 №185, якім унесены змяненні ў пастанову Савета Міністраў Рэспублікі Беларусь ад 14.06.2014 № 571 і Палажэнне аб парадку разлікаў і ўнясення платы за жыллёва-камунальныя паслугі і платы за карыстанне жылымі памяшканнямі дзяржаўнага жыллёвага фонду,

а таксама кампенсацыі выдаткаў на электраэнергію (далей – Палажэнне), зацверджанае гэтай пастановай, уносяцца змяненні ў парадак разлікаў з асобнымі катэгорыямі абанентаў.

Субсідаваныя тарыфы для насельніцтва, зацверджаныя пунктам 5 дадатку 2 да пастановы Савета Міністраў Рэспублікі Беларусь ад 30.12.2013 № 1166 (у дзеючай рэдакцыі), з прымяненнем каэфіцыента 0.85, у парадку, вызначаным часткай 1 пункта 44 Палажэння, пачынаючы з разліковага перыяду «май 2021 года» будуць прымяняцца для разлікаў за электраэнергію, спажытую ў аднакватэрных жылых дамах, кватэрах у блакіраваных і шматкватэрных жылых дамоў, якія адпавядаюць сукупнасці наступных умоў:

• жылое памяшканне абсталявана сістэмай цэнтралізаванага цеплазабеспячэння на мэты ацяплення;
• жылое памяшканне абсталявана сістэмай цэнтралізаванага газазабеспячэння або індывідуальнай балоннай устаноўкай для забеспячэння звадкаваным вуглевадародным газам толькі на мэты прыгатавання ежы;
• жылое памяшканне не абсталявана ва ўстаноўленым парадку электрычнай плітой;
• жылое памяшканне не абсталявана сістэмай цэнтралізаванага гарачага водазабеспячэння;
• жылое памяшканне не абсталявана індывідуальным газавым воданагравальнікам (газавай калонкай, газавым катлом).

Для вызначэння па выяўленчым прынцыпе пераліку жылых памяшканняў, якія адпавядаюць вышэйпаказаным умовам, персаналам філіяла накіраваны адпаведныя запыты ў органы мясцовай выканаўчай улады.

Пры гэтым грамадзяне маюць права самастойна прадставіць у энергазабеспячальную  арганізацыю дакументы, якія пацвярджаюць адпаведнасць жылога памяшкання (кватэры) вышэйпаказаным умовам.