З ранніх гадоў мы ведаем ‒ электрычны ток небяспечны. Ён нябачны, не мае паху і колеру, і выявіць яго без спецыяльных прыбораў чалавек не можа. Электрычны ток б’е раптоўна, як толькі чалавек аказваецца «уключаным» у ланцуг праходжання току.

Аднак ва ўтульнай хатняй абстаноўцы, у асяроддзі звычайных прадметаў, калі здаецца, што мы абаронены ад небяспекі вуліцы, менавіта ў нашай кватэры нас пільнуюць ўсе тыя пасткі, ахвярамі якіх штогод становяцца тысячы людзей.

Як ні дзіўна, але прычыны няшчасных выпадкаў з электрычнасцю ў побыце застаюцца практычна нязменнымі ‒ гэта парушэнне правілаў эксплуатацыі або выкарыстанне няспраўных электрапрыбораў, неасцярожнасць і няўважлівасць пры абыходжанні з электрычнасцю, спробы самастойнай разборкі і рамонту электрапрыбораў.

Здавалася б, пра гэтыя прычыны ведаюць і памятаюць усе, але ў сваёй кватэры чалавек адчувае сябе ў бяспецы, бытавыя прыборы з'яўляюцца для яго толькі часткай камфортнай абстаноўкі, а звычка рэгулярнага карыстання імі аслабляе пачуццё асцярогі.

Каб пазбегнуць пагрозы паразы электрычным токам трэба выконваць інструкцыі і меры бяспекі:
• Калі Вы змяняеце лямпачку, мыеце халадзільнік або электрапліту, адключыце электрапрыбор ад электрасеткі.
• Не выцягвайце вілку з разеткі, пацягнуўшы за шнур, рана ці позна ён абарвецца.
• Не бярыцеся за электрычную вілку мокрай рукой.
• Разеткі павінны быць устаноўлены як мага далей ад ракавіны, ванны.
• Сачыце за спраўным станам электраправодкі, выключальнікаў, бытавых электрапрыбораў, штэпсельных разетак, лямпавых патронаў, а таксама шнуроў, пры дапамозе якіх электрапрыборы ўключаюцца ў электрасетку.
• Карыстаючыся падаўжальнікам, пасля заканчэння працы спачатку адключыце яго з разеткі, а затым зварочвайце ў кальцо.
• Не забівайце цвікі ў сцяну, калі не ведаеце, дзе праходзіць прыхаваная электраправодка.
• Сачыце за тым, каб разеткі і іншыя раздымы не іскрылі, не грэліся, не патрэсквалі.
• Сачыце за тым, каб правады прыбораў не апынуліся зашчымленымі мэбляй, дзвярыма, аконнай рамай, не дакраналіся да газавых труб і батарэй ацяплення.
• Не карыстайцеся самаробнымі электранагравальнымі прыборамі. Гэта небяспечна для жыцця.
• Не перагружайце электрычную сетку. Гэта можа прывесці да пажараў. Ведайце, што адна разетка разлічана на 3,5 кВт.
• Выкарыстоўвайце бытавую тэхніку завадскога вырабу. Перад пачаткам эксплуатацыі ўважліва вывучыце інструкцыю па эксплуатацыі бытавой тэхнікі завода-вытворцы. Выконвайце ўсе названыя меры бяспекі.
• Пасля заканчэння названага ў інструкцыі тэрміну службы бытавых электрапрыбораў вытворца не нясе адказнасці за іх бяспечную эксплуатацыю. Выкарыстанне старой бытавой тэхнікі з'яўляецца частай прычынай электратраўмаў і ўзнікнення пажараў.
• Сыходзячы, не пакідайце электрапрыборы уключанымі ў электрычную сетку.

Памятайце, выконваючы простыя патрабаванні бяспекі, мы захоўваем жыццё і здароўе сабе і тым, хто побач. Беражыце сваіх блізкіх! Растлумачвайце правілы электрабяспекі дзецям і нагадвайце пра іх пажылым.

Паводле інфармацыі Афіцыйнага Інтэрнэт-сайта Госэнергагазнагляду

https://gosenergogaznadzor.by