- Навіны філіяла
Пытанні фарміравання здаровага ладу жыцця абмеркавалі ў філіяле «Энергазбыт»
У філіяле «Энергазбыт» РУП «Мінскэнерга» сёння адбылася сустрэча працоўнага калектыву з урачом УАЗ «Мінскі гарадскі клінічны наркалагічны цэнтр».
Алена Збігнеўна Бубнова расказала пра асноўныя складнікі здаровага ладу жыцця, сярод іх рацыянальнае харчаванне, фізічная актыўнасць, адмова ад шкодных звычак, прафілактыка стрэсу і іншыя.
Спецыяліст падрабязна спынілася на праблеме залежнасцяў і на тых наступствах, да якіх яны прыводзяць. Асобная ўвага нададзена тэме алкагольнай залежнасці. Гаворка ішла аб згубным уплыве алкаголю на арганізм, спосабах дапамогі і алгарытме дзеянняў пры сутыкненні з праблемай.
Напрыканцы сустрэчы ўрач адказала на пытанні энергетыкаў і звярнулася да прысутных з просьбай быць уважлівымі да свайго здароўя.