- Навіны філіяла
ВЯСНОВЫ МЕСЯЧНІК ПА НАВЯДЗЕННІ ПАРАДКУ І ДОБРАЎПАРАДКАВАННІ
Калектыў філіяла, узброіўшыся прыбіральным інвентаром, захоплена і весела узяўся за работу. 20 красавіка ў рамках Рэспубліканскага суботніка была арганізавана ўборка і навядзенне парадку на працоўных месцах, а таксама на прылеглых тэрыторыях, ачышчаны газоны і тратуары, выканана афарбоўка агароджаў, бардзюраў, лавак і іншага, высадка раслін у кветачніцы, ўстаноўка сметніц і велапарковак.
Работнікі філіяла прынялі актыўны ўдзел у добраўпарадкаванні замацаваных за філіялам тэрыторый і аб'ектаў. Так, была выканана ўборка зялёнай зоны ўздоўж вул. Я.Коласа, а таксама праезнай часткі па вул. Б.Хмяльніцкага, арганізаваны выезды ў аздараўленчы цэнтр «Энергетык» і філіял Аграфірма «Лебедзева» РУП «Мінскэнерга».
У Год малой радзімы нельга не адзначыць унёсак у агульную справу работнікаў міжраённых аддзяленняў, якія на славу папрацавалі не толькі на падведамасных аб'ектах, але і на замацаваных раённымі выканаўчымі камітэтамі тэрыторыях.
Правядзенню суботнікаў спрыяла надвор'е, якое парадавала ўсіх нечаканым пацяпленнем. Добры настрой, чысціня і парадак, вось што засталося пасля вясновага месячніка па навядзенні парадку. Бо сваімі рукамі мы можам зрабіць свет вакол трохі лепшым і камфортным для нашага жыцця.