- Навіны філіяла
Спецыялісты філіяла «Энергазбыт» правялі ўрок электрабяспекі для школьнікаў
Супрацоўнікі філіяла «Энергазбыт» РУП «Мінскэнерга» наведалі Вілейскую агульнаадукацыйную школу-інтэрнат, дзе правялі занятак па прафілактыцы электратраўматызму.
У ходзе ўрока энергетыкі нагадалі дзецям, чым небяспечны электрычны ток, расказалі, як трэба паводзіць сябе паблізу энергааб'ектаў і якія правілы неабходна строга выконваць пры выкарыстанні бытавых электрапрыбораў. Работнікі філіяла растлумачылі парадак дзеянняў у выпадку ўзнікнення небяспечных сітуацый, распавялі аб зоне крокавай напругі і прадэманстравалі «гусіны крок» ‒ спосаб выхаду з яе. Асаблівую ўвагу школьнікаў звярнулі на недапушчальнасць сэлфі ля энергааб'ектаў. Аб пагрозе паражэння электрычным токам папярэджваюць замацаваныя на электраўстаноўках знакі або плакаты: «Асцярожна! Электрычная напруга», «Стой! Напружанне!», «Не залазь – заб'е!».
Пасля завяршэння ўрока ўсе выхаванцы атрымалі памяткі з правіламі бяспечнага абыходжання з электрычнасцю і падарункі да новага навучальнага года.
Энергетыкі спадзяюцца, што атрыманыя веды спатрэбяцца ўсім вучням у паўсядзённым жыцці, дапамогуць пазбегнуць электратраўм, і электрычнасць будзе прыносіць ім толькі карысць.