- Навіны філіяла
Супрацоўнікі філіяла «Энергазбыт» РУП «Мінскэнерга» прынялі ўдзел у акцыі «Чысты лес»
Супрацоўнікі філіяла «Энергазбыт» РУП «Мінскэнерга» прынялі ўдзел у рэспубліканскай добраахвотнай акцыі «Чысты лес», якая прайшла ва ўсіх рэгіёнах краіны 9 кастрычніка.
Атрады валанцёраў філіяла працавалі ў Навінкаўскім лясніцтве ДЛГУ «Клецкі лясгас» і Капыльскім лясніцтве ДЛГУ «Капыльскі лясгас». На працягу дня добраахвотнікі прыбіралі смецце, наводзілі парадак уздоўж прыдарожных палос, акультурвалі месцы масавага адпачынку.
Рэспубліканская акцыя «Чысты лес» у Беларусі стала ўжо традыцыйнай. Упершыню яна была праведзена ў 2010 годзе, і за гэты час яе ўдзельнікамі сталі дзесяткі тысяч добраахвотнікаў. Галоўная мэта акцыі ‒ добраўпарадкаванне і навядзенне парадку ў лясным фондзе, папулярызацыя беражлівых адносін да лесу. Мерапрыемства праводзіцца Міністэрствам лясной гаспадаркі Рэспублікі Беларусь і актыўна падтрымліваецца мясцовымі выканаўчымі органамі ўлады, установамі адукацыі, дзяржаўнымі, грамадскімі і камерцыйнымі арганізацыямі.