15 лютага ў Дзень памяці воінаў-інтэрнацыяналістаў прадстаўнікі філіяла «Энергазбыт» РУП «Мінскэнерга» прынялі ўдзел ва ўрачыстай цырымоніі ўскладання вянкоў і кветак на Востраве мужнасці і смутку ў Мінску.

Востраў мужнасці і смутку размешчаны на рацэ Свіслач у цэнтры сталіцы. Гэты помнік прысвечаны загінуўшым у 1979-1989 гадах у Афганістане беларусам. У цэнтры кампазіцыі знаходзіцца капліца памяці, на сценах якой пералічаны імёны 771 загінуўшага воіна. Валун ля помніка з бронзавай выявай Божай Маці суправаджае таблічка з тэкстам: «Сынам, якія загінулі ў Афганістане, узведзены гэты храм-помнік па даручэнні беларускіх маці, якія не жадаюць, каб зло панавала ні на сваёй, ні на чужой зямлі».

Гады, якія прайшлі з дня вываду савецкіх войскаў з Афганістана, не вылечылі боль страт, не аслабілі памяць аб тых, хто сумленна і мужна выконваў свой воінскі абавязак.

Філіял «Энергазбыт» штогод прымае ўдзел у мерапрыемствах, прысвечаных Дню памяці воінаў-інтэрнацыяналістаў. Бо немагчыма забыць тых, хто ахвяраваў сваім здароўем, жыццём. Мы захоўваем памяць аб іх і шануем подзвіг кожнага.