Калектыў філіяла «Энергазбыт» РУП «Мінскэнерга» налічвае больш за 1400 чалавек, многія з якіх знаходзяцца ў пастаянным узаемадзеянні са спажыўцамі электрычнай і цеплавой энергіі. Для захавання здароўя супрацоўнікаў і абанентаў, а таксама папярэджання распаўсюджвання каронавіруснай інфекцыі выконваецца комплекс прафілактычных мер. Арганізавана тэставанне работнікаў на антыцелы да COVID-19 і ПЦР-дыягностыка на наяўнасць віруса ў арганізме.

Так, 18 лютага супрацоўнікам была прадастаўлена магчымасць здаць экспрэс-тэст у будынку філіяла на Хмяльніцкага, 6, дзе для медперсаналу было ўладкавана працоўнае месца. Дадзенае даследаванне дазваляе выявіць не толькі наяўнасць інфекцыі, але і прысутнасць антыцелаў да ўзбуджальніка (ці перахварэў працаўнік бессімптомна), што дазваляе кантраляваць рызыкі як для асобных супрацоўнікаў, так і для арганізацыі ў цэлым.

Сёння здароўе персаналу з'яўляецца найважнейшым рэсурсам ўстойлівага і эфектыўнага развіцця любога прадпрыемства. Садзейнічаць яго захаванню ‒ наша агульная задача.