22 чэрвеня ў Дзень усенароднай памяці ахвяр Вялікай Айчыннай вайны дэлегацыя філіяла «Энергазбыт» РУП «Мінскэнерга» прыняла ўдзел у цырымоніі ўскладання кветак да мемарыяльнага комплексу на могілках «Вайсковае».

Тут знайшлі апошні прытулак больш за тысячу воінаў, якія загінулі ў баях з нямецка-фашысцкімі захопнікамі. У мерапрыемстве ўзялі ўдзел прадстаўнікі органаў улады, грамадскіх аб'яднанняў, кіраўнікі і спецыялісты прадпрыемстваў.

22 чэрвеня 1941 года ‒ адна з самых сумных датаў у гісторыі Беларусі ‒ дзень пачатку Вялікай Айчыннай вайны, у якой Беларусь страціла кожнага трэцяга жыхара, памяць пра іх будзе жыць вечна. І ў гэты дзень па ўсёй краіне праходзяць памятныя мерапрыемствы.