- Навіны філіяла
15 сакавіка ‒ Дзень Канстытуцыі Рэспублікі Беларусь
Сёння Беларусь адзначае Дзень Канстытуцыі. Яна была прынята 15 сакавіка 1994 года Вярхоўным Саветам Рэспублікі Беларусь і з'яўляецца першай у гісторыі суверэннай рэспублікі і пятай па ліку Канстытуцыяй Беларусі (пасля Кастрычніцкай рэвалюцыі 1917 года).
Канстытуцыя Рэспублікі Беларусь – Асноўны Закон дзяржавы. Тут закладзены асновы рэгулявання прававой, палітычнай і эканамічнай сістэмы дзяржавы. Асноўны Закон замацоўвае неад'емныя правы чалавека і гарантыі іх рэалізацыі, узаемныя абавязкі грамадзяніна і дзяржавы, парадак фармавання і функцыянавання органаў улады. Палажэнні Канстытуцыі знаходзяць сваё развіццё ў бягучым заканадаўстве.
Найважнейшай канстытуцыйнай нормай з'яўляецца палажэнне артыкула 2, якое вызначае іерархію каштоўнасцей у краіне. Згодна з дадзеным артыкулам чалавек, яго правы, свабоды і гарантыі іх рэалізацыі з'яўляюцца найвышэйшай каштоўнасцю і мэтай грамадства і дзяржавы.
- Да ліку асноўных прынцыпаў, якія пранізваюць нормы Канстытуцыі, трэба аднесці:
- вяршэнства права;
- гарантыю і захаванне правоў чалавека і грамадзяніна;
- дэмакратычны парадак фармавання органаў улады.
У 1996 годзе на рэспубліканскім рэферэндуме Канстытуцыя Рэспублікі Беларусь была выкладзена ў новай рэдакцыі. У 2004 годзе па выніках рэспубліканскага рэферэндуму ў яе былі ўнесены змены.
Сёння, 15 сакавіка 2022 года, набыла моц абноўленая Канстытуцыя. Рэферэндум па папраўках у Асноўны Закон краіны адбыўся 27 лютага 2022 года.
Пры выкарыстанні матэрыялаў
афіцыйнага сайта Прэзідэнта Рэспублікі Беларусь
https://president.gov.by