- Навіны філіяла
Вытворчая нарада і прафсаюзная канферэнцыя адбыліся ў філіяле «Энергазбыт»
У мінулую пятніцу ў філіяле «Энергазбыт» РУП «Мінскэнерга» прайшлі вытворчая нарада пад кіраўніцтвам дырэктара філіяла Мароза Аляксандра Георгіевіча і канферэнцыя пярвічнай прафсаюзнай арганізацыі пад кіраўніцтвам яе старшыні Анішчанкі Алы Анатольеўны.
У працы канферэнцыі прыняў удзел старшыня Беларускага Прафсаюза Белэнергапалгаз Жур Ігар Міхайлавіч.
На парадку дня ‒ пытанні энергазбытавай дзейнасці, ацэнка працы аддзяленняў філіяла, праца са зваротамі грамадзян і юрыдычных асоб, вынікі рамонтнай кампаніі.
Сярод асноўных разгледжаных пытанняў ‒ выкананне ўмоў Калектыўнага дагавора РУП «Мінскэнерга» на 2020-2022 гады ў 2021 годзе. Асаблівы акцэнт зроблены на неабходнасці забеспячэння здаровых і бяспечных умоў працы, а таксама на абароне жыццёвага ўзроўню работнікаў.
Разгледжаны вынікі працы прафсаюзнага камітэта ў 2021 годзе. У ходзе абмеркавання адзначана значнасць сацыяльнага партнёрства ў паспяховым функцыянаванні і развіцці прадпрыемства.