- Навіны спажыўцам
Увазе юрыдычных асоб (індывідуальных прадпрымальнікаў)!
Паважаныя спажыўцы электрычнай энергіі – абаненты РУП «Мінскэнерга»!
Філіял «Энергазбыт» РУП «Мінскэнерга» нагадвае аб неабходнасці няўхільнага выканання заканадаўства ў галіне электразабеспячэння і абавязацельстваў, вызначаных дагаворам электразабеспячэння, дагаворам электразабеспячэння з уладальнікам блок-станцыі.
У прыватнасці, звяртаем Вашу ўвагу на прадугледжаныя пунктам 72 Правілаў электразабеспячэння, зацверджаных пастановай Савета Міністраў Рэспублікі Беларусь ад 17.10.2011 №1394, абавязкі абанента:
* пры здачы ў арэнду, у тым ліку фінансавую арэнду (лізінг), або перадачы ў бязвыплатнае карыстанне змешчанага ў яго ўласнасці, гаспадарчым вядзенні або аператыўным кіраванні аб'екта электразабеспячэння на працягу 10 каляндарных дзён з дня ўступлення ў сілу дагавора арэнды, дагавора фінансавай арэнды (лізінгу), дагавора бязвыплатнага карыстання пісьмова паведаміць энергазабеспячальнай арганізацыі найменне арганізацыі-арандатара (пазыкаатрымальніка), характар яе дзейнасці, тэрміны арэнды, фінансавай арэнды (лізінгу), бязвыплатнага карыстання, рэквізіты дагавора арэнды або фінансавай арэнды (лізінгу) або бязвыплатнага карыстання і іншыя звесткі, неабходныя для ўнясення дапаўненняў і змяненняў у дагавор электразабеспячэння, дагавор электразабеспячэння з уладальнікам блок-станцыі;
* пры далучэнні да электрычных сетак, якія знаходзяцца ў яго ўласнасці, гаспадарчым вядзенні або аператыўным кіраванні, субабанентаў на працягу 10 каляндарных дзен з дня ўступлення ў сілу дагавора электразабеспячэння пісьмова паведаміць энергазабеспячальнай арганізацыі найменне субабанента, характар яго дзейнасці, рэквізіты дагавора электразабеспячэння і іншыя звесткі, неабходныя для ўнясення дапаўненняў і змяненняў у дагавор электразабеспячэння, дагавор электразабеспячэння з уладальнікам блок-станцыі.
Дакладныя, ў поўным аб'ёме i своечасова напраўленыя абанентам у энергазабеспячальную арганізацыю вышэйназваныя звесткi дазволяць пазбегнуць парушэння спажыўцамі электрычнай энергіі нормаў заканадаўства, якія рэгулююць парадак прымянення тарыфаў на электрычную энергію (магутнасць).