У філіяле "Энергазбыт" РУП "Мiнскэнерга" распрацавана новае праграмнае забеспячэнне для прыёму паказанняў прыбораў уліку электраэнергіі юрыдычных асоб, якое рэалізуе функцыю асабістага кабінета для юрыдычных асоб.

 Дадзенае праграмнае забеспячэнне распрацавана спецыялістамі аддзела АСК філіяла "Энергазбыт" з выкарыстаннем Web-тэхналогій і можа выкарыстоўвацца на камп'ютэры або планшэце пры дапамозе браўзара праз сетку Інтэрнэт.

У цяперашні час юрыдычныя асобы г.Мінска і Мінскага раёна, якія з'яўляюцца абанентамі філіяла "Энергазбыт" РУП " Мiнскэнерга ", маюць магчымасць выкарыстання гэтага праграмнага забеспячэння для перадачы паказанняў прыбораў уліку электраэнергіі, заходзячы на афіцыйны сайт філіяла http://www.energosbyt.by/ у раздзел "Электронныя паслугі" - сервіс "Прыём паказанняў прыбораў уліку электраэнергіі юрыдычных асоб". Выкарыстанне дадзенага праграмнага забеспячэння магчыма пасля рэгістрацыі.

Для юрыдычных асоб Мінскай вобласці дадзены сервіс праходзіць вопытную эксплуатацыю і ў бліжэйшы час плануецца да ўвода ў прамысловую эксплуатацыю.

Выкарыстанне праграмнага забеспячэння для прыёму паказанняў прыбораў уліку электраэнергіі дазваляе не толькі ўносіць паказанні за цяперашні разліковы перыяд, прагледзець расход па кожнай кропцы ўліку і па дагаворы цалкам, атрымаць (распячатаць) рахунак-фактуру пасля разліку, прагледзець архіў паказанняў і статыстыку расходаў, але і спрашчае работу ў плане ўзаемадзеяння спажыўца электрычнай энергіі (юрыдычнай асобы) і спецыяліста па разліках з юрыдычнымі асобамі за спажытую электрычную энергію.