Паважаныя спажыўцы электрычнай энергіі, звяртаем Вашу ўвагу на выпадкі падману грамадзян. Часта ашуканцы, прадстаўляючыся работнікамі энергазабеспячальнай арганізацыі, навязваюць грамадзянам свае платныя паслугі

Аналагічны выпадак адбыўся ў сакавіку 2020 года па вул. Адзінцова ў Мінску. Прадставіўшыся работнікам Энергазбыту, аферыст пранік у шматкватэрны дом на падставе праверкі працы лічыльнікаў. Пасля агляду аднаго з лічыльнікаў махляр зрабіў выснову, што гаспадыні кватэры пажадана замяніць аўтаматычны выключальнік. Далей ен прапанаваў вырашыць гэтую праблему за грашовую ўзнагароду ‒ 45 беларускіх рублёў.

У мэтах выключэння падобных выпадкаў падману заклікаем Вас быць пільнымі і не паддавацца на выкруты.

Абавязкова папрасіце людзей, якія прадстаўляюцца супрацоўнікамі энергазабеспячальнай арганізацыі, прад'явіць пацвярджаючыя дакументы. Пры адсутнасці пацвярджаючых дакументаў не дапускайце іх у памяшканні для агляду прыбораў уліку.

Усе без выключэння супрацоўнікі філіяла «Энергазбыт» РУП «Мінскэнерга» пры наведванні спажыўцоў электрычнай энергіі ў абавязковым парадку павінны быць у спецвопратцы з лагатыпам РУП «Мінскэнерга» і мець пры сабе пасведчанне супрацоўніка. Пасведчанне павінна ўтрымліваць наступную інфармацыю: нумар, прозвішча, імя і імя па бацьку, структурнае падраздзяленне, у якім працуе супрацоўнік, пасада, тэрмін дзеяння пасведчання, фатаграфію. Пасведчанне ў абавязковым парадку замацоўваецца пячаткай і падпісваецца кіраўніком вышэйназванага філіяла.

Супрацоўнікі філіяла «Энергазбыт» РУП «Мінскэнерга» не выконваюць работы па замене камутацыйных апаратаў павярховага электрашчытку і не прапаноўваюць заключыць дагавор на аказанне паслуг на месцы. У жылых дамах, кватэрах выконваецца толькі кантрольны з'ем паказанняў электралічыльнікаў, работы па іх замене і апламбіроўцы, а таксама праверка прыбораў уліку электраэнергіі. Планавая замена прыбораў уліку, якія знаходзяцца на балансе РУП «Мінскэнерга», у тым ліку планавая замена ў рамках Праграмы мадэрнізацыі сродкаў ўліку электрычнай энергіі да 2023, ажыццяўляецца на бясплатнай аснове.