Электраралі «Minsk ELECTRO-2022» будуць арганізаваны на Рэспубліканскім палігоне для выпрабаванняў мабільных машын Аб'яднанага інстытута машынабудавання Нацыянальнай акадэміі навук Беларусі.

 Плануецца, што ў спаборніцтвах прымуць удзел больш за 20 экіпажаў ‒ уладальнікаў персанальнага электратранспарту. Яны павінны будуць пераадолець конкурсную дыстанцыю і паспяхова выканаць усе заданні на гарадскіх маршрутах, а таксама адпрацаваць зададзеныя элементы на палігоне. Лідэрам стане той, хто дакладна і хутчэй за астатніх справіцца з праграмай спаборніцтваў. Лепшых вызначаць вопытныя суддзі са складу Беларускай аўтамабільнай федэрацыі. Пераможцы атрымаюць сертыфікаты на бясплатную зарадку ў сетцы MALANKA.

Праграма электраралі ўключае таксама дрыфт-шоў на электраматацыклах і гонкі на электрасамакатах. Цэнтр контраварыйнай падрыхтоўкі дасць ахвочым магчымасць праверыць свае навыкі ваджэння ва ўмовах заносу на трэнажорнай сістэме Drift-Car.

У рамках мерапрыемства будзе працаваць выстава электратранспарту, на якой будуць прадстаўлены электрамабілі і элементы кампанентнай базы для іх. Свае дасягненні прэзентуюць арганізацыі Акадэміі навук і вядучыя прамысловыя прадпрыемствы.

Арганізатарамі электраралі выступаюць Нацыянальная акадэмія навук, Міністэрства транспарту і камунікацый, Міністэрства энергетыкі, Беларуская аўтамабільная федэрацыя, ВА «Беларуснафта».

Запрашаем усіх жадаючых наведаць Minsk ELECTRO-2022. Пачатак у 13.30. Уваход бясплатны.

Адрас Рэспубліканскага палігона для выпрабаванняў мабільных машын:

5 км МКАД, дом 23 (вонкавы бок МКАД (М9), з'езд ля зашклёнага пешаходнага моста (насупраць мікрараёна Ангарская).

Каардынаты: 53.897799, 27.702019.

Рэгламент мерапрыемства размешчаны па адрасе: https://baf.by.