Асноўным прававым дакументам, які вызначае парадак узаемаадносін спажыўцоў электрычнай энергіі і энергазабеспячальнай арганізацыі, з'яўляецца дагавор электразабеспячэння. Прававыя адносіны бакоў па дагавору рэгулююцца Грамадзянскім кодэксам Рэспублікі Беларусь, Правіламі электразабеспячэння, зацверджанымі пастановай Савета Міністраў Рэспублікі Беларусь ад 17.10.2011 г. №1394, і іншымі нарматыўнымі актамі.

Філіял «Энергазбыт» РУП «Мінскэнерга» заключае не толькі дагаворы на электразабеспячэнне юрыдычных асоб і бытавых абанентаў, але і ажыццяўляе кантроль за іх выкананнем.

У прыватнасці, спецыялізаваная рэйдавая брыгада філіяла «Энергазбыт» РУП «Мінскэнерга» ажыццяўляе кантроль выканання дагаворных абавязацельстваў спажыўцамі электраэнергіі, а таксама праверку работы лінейнага персаналу аддзяленняў філіяла з аказаннем тэхнічнай дапамогі пры абследаванні сістэм уліку электрычнай энергіі спажыўцоў.

На падрыхтоўчым этапе перад кожным выездам да абанента праводзіцца аналіз яго штомесячнага электраспажывання, які параўноўваецца з расходам электрычнай энергіі за папярэдні перыяд часу, а таксама за аналагічныя перыяды мінулых гадоў. Па выніках праведзенай працы выяўляюцца факты неадпаведнасці колькасці спажытай электраэнергіі, магутнасці выкарыстоўванага спажыўцом электраабсталявання.

У сваёй працы члены спецыялізаванай рэйдавай брыгады сутыкаюцца з рознымі сітуацыямі.

Так, 27 верасня 2021 года ў адным з жылых дамоў в.Пільніца Мінскага раёна ў выніку праведзенай праверкі быў выяўлены факт мантажу адгалінавання ад уводу ў будынак жылога дома і падключэння нагрузкі міма прыбора ўліку электрычнай энергіі.

Падобнае парушэнне было знойдзена 7 кастрычніка 2021 года ў адным з жылых дамоў в.Ждановічы Мінскага раёна. Таксама ў дадзеным населеным пункце ў адным з жылых дамоў 14 кастрычніка. быў выяўлены факт безуліковага спажывання, выражаны ў самавольнай замене прыбора ўліку электраэнергіі.

3 лістапада 2021 пры праверцы гандлёвай кропкі ў п.Прывольны выяўлены факт падключэння да прыбора ўліку электрычнай энергіі электраўстановак кафэ.

5 лістапада 2021 пры правядзенні праверкі юрыдычнай асобы ў аг.Астрашыцкі Гарадок выяўлена хібнасць работы прыбора ўліку электраэнергіі, якая склала 94%. Гэты прыбор уліку накіраваны на дзяржаўную экспертызу, для вызначэння прычын недаўліку электраэнергіі.

9 лістапада 2021 пры праверцы юрыдычнай асобы ў в.Цнянка выяўлены няспраўныя трансфарматары току сістэмы ўліку электрычнай энергіі па фазе «А» і «В», якія знаходзяцца на балансе дадзенай юрыдычнай асобы.

Спажывец, абвінавачаны ў прычыненні ўрону энергазабеспячальнай арганізацыі, у адпаведнасці з пастановай Міністэрства энергетыкі Рэспублікі Беларусь ад 19.02.2021 №10 «Аб надзяленні паўнамоцтваў» прыцягваецца філіялам «Энергазбыт» да адміністрацыйнай адказнасці па артыкуле 21.6 Кодэкса Рэспублікі Беларусь, што цягне накладанне штрафу ў памеры да дзесяці базавых велічыняў, на індывідуальнага прадпрымальніка ‒ да дваццаці пяці базавых велічынь, а на юрыдычную асобу ‒ да пяцідзесяці базавых велічынь.

Наўмыснае пашкоджанне або зрыў пячаткі (пломбы), накладзенай упаўнаважанай службовай асобай, прыводзяць да накладання штрафу ў памеры ад шасці да дзесяці базавых велічынь (арт. 24.24 КаАП).

Варта адзначыць, што персанал спецыялізаванай брыгады, як і ўвесь лінейны персанал філіяла «Энергазбыт», навучаны выяўляць любыя віды парушэнняў у сістэмах уліку электрычнай энергіі. Выяўленне самавольнага (бездамоўнага), безулічнага спажывання электраэнергіі з'яўляецца толькі справай часу. Пры гэтым кампенсацыя сумы ўрону, прычыненага энергазабеспячальнай арганізацыі, часта значна перавышае атрыманую спажыўцом уяўную «выгаду». А пры неаплаце сумы ўрону ў добраахвотным парадку матэрыялы па справе перадаюцца ў суд.

Акрамя таго, варта памятаць, што спробы спажывання электраэнергіі міма лічыльніка негатыўна ўплываюць на якасць электразабеспячэння іншых спажыўцоў, нярэдка прыводзяць да пажараў, а таксама паразы электрычным токам.

Калі вам стала вядома аб фактах самавольнага (бездагаворнага), безуліковага спажывання электраэнергіі, паведаміць аб гэтым можна на канфідэнцыйнай аснове ў філіял «Энергазбыт» РУП «Мінскэнерга» па адрасе г. Мінск, вул. Б. Хмяльніцкага, 6, у даведачную службу філіяла па тэлефонным нумары 8(017)371-00-33 або па «гарачай лініі» РУП «Мінскэнерга» ‒ 8(017)325-02-95.