- Навіны спажыўцам
11 лістапада 2019 годзе Беларусь адзначае Міжнародны дзень энергазберажэння
А ўжо ў лістападзе 2008 года свет адзначыў першы Дзень энергазберажэння. Рэспубліка Беларусь не стала выключэннем і з першых гадоў святкавання гэтага дня далучылася да мерапрыемства.
Дэпартамент па энергаэфектыўнасці Дзяржаўнага камітэта па стандартызацыі Рэспублікі Беларусь з'яўляецца ўпаўнаважаным рэспубліканскім органам, які праводзіць дзяржаўнае кіраванне ў сферы энергазберажэння і развіцця аднаўляльных крыніц энергіі ўжо больш за 25 гадоў.
Адной з найважнейшых задач, якія стаяць перад Дэпартаментам, з'яўляецца папулярызацыя эканамічных, экалагічных і сацыяльных пераваг эфектыўнага выкарыстання паліўна-энергетычных рэсурсаў, і тут вельмі важна, каб заканадаўча замацаваная дзяржаўная палітыка энергазберажэння мела водгук і як мага больш шырокую падтрымку ў грамадстве.- правядзенне тэматычных выстаў, семінараў, канферэнцый, круглых сталоў, тэлевізійных перадач;
- правядзенне ў гарадах рэспублікі вулічных акцый з распаўсюджваннем промапрадукцыі;
- трансляцыю на тэлевізійных каналах і ў грамадскім транспарце сацыяльнай рэкламы па пытаннях энергазберажэння;
- прэс-канферэнцыі для СМІ, прэс-туры на аб'екты, якія дасягнулі пэўных вынікаў у сферы энергазберажэння;
- конкурсы і займальныя віктарыны, адкрытыя ўрокі і інфармацыйныя гадзіны ва ўстановах адукацыі з удзелам кіраўнікоў мясцовых органаў улады.
Дзень энергазберажэння - гэта выдатная нагода яшчэ раз пагаварыць пра энергаэфектыўныя тэхналогіі, пра важнасць выкарыстання аднаўляльных крыніц энергіі, пра спосабы энергазберажэння дома і ў офісе. А лепш не толькі пагаварыць, але і прымяніць атрыманыя веды на практыцы: напрыклад, не пакідаць электрапрыборы уключанымі ў рэжыме чакання, замяніць лямпачкі ў кватэры на энергазберагальныя, выключаць ваду ў працэсе чысткі зубоў, карыстацца душам замест ванны і г.д. І меры рэсурсазберажэння - адмовіцца ад пластыкавых упаковак, асобна збіраць і перапрацоўваць адходы.
З многімі іншымі практычнымі спосабамі па эфектыўным выкарыстанні энергарэсурсаў у побыце можна азнаёміцца на сайце http://energoeffekt.gov.by у раздзеле Прапаганда, рубрыцы Карысныя парады
Асноўная мэта свята - прыцягненне ўвагі грамадскасці да рацыянальнага выкарыстання энергарэсурсаў. Дэпартамент па энергаэфектыўнасці запрашае аказаць інфармацыйную падтрымку штогадовай акцыі, а таксама прыняць удзел у мерапрыемствах, якія праводзяцца ў рамках Міжнароднага дня энергазберажэння - 2019.
Энергазберажэнне эканамічна выгадна асобна кожнаму грамадзяніну і дзяржаве ў цэлым.
Эканоміць энергарэсурсы - значыць быць сучасным, адукаваным грамадзянінам, якія думае пра росквіт сваёй краіны, пра дабрабыт і здароўе сваёй сям'і.
