- Навіны спажыўцам
Больш за 690 тысяч электронных лічыльнікаў устаноўлена філіялам «Энергазбыт» у рамках Праграмы мадэрнізацыі
У рамках Праграмы мадэрнізацыі сродкаў уліку электрычнай энергіі філіялам «Энергазбыт» РУП «Мінскэнерга» ўстаноўлена 691 958 электронных лічыльнікаў.
Праца па выкананні Праграмы мадэрнізацыі вядзецца філіялам з 2016 года. Яе мэта ‒ поўная замена індукцыйных прыбораў уліку на электронныя ў бытавых спажыўцоў за кошт сродкаў энергасістэмы да 2023 года.
На сённяшні дзень колькасць электронных лічыльнікаў складае ўжо больш за 74,6% ад агульнай колькасці лічыльнікаў, якія знаходзяцца на абслугоўванні ў філіяле.
Укараненне новай тэхналогіі збыту электраэнергіі, якая базуецца на выкарыстанні сучасных электронных прыбораў уліку, з'яўляецца важнейшым напрамкам тэхнічнай палітыкі філіяла.
Электронныя лічыльнікі больш надзейныя і маюць больш высокі ў параўнанні з індукцыйнымі клас дакладнасці ‒ 1.0 і вышэй. Яны бясшумныя і дазваляюць захоўваць дадзеныя аб спажыванні электраэнергіі па месяцах за апошні год.
Ужыванне электронных лічыльнікаў дае магчымасць рэалізоўваць шматтарыфны ўлік электраэнергіі, а таксама ўводзіць у эксплуатацыю аўтаматызаваныя сістэмы кантролю і ўліку электрычнай энергіі (АСКУЭ) як у бытавым, так і ў прамысловым сектары. Дадзеныя сістэмы дазваляюць дыстанцыйна збіраць і аналізаваць звесткі аб колькасці спажытай электраэнергіі без лакальнага зняцця паказанняў з прыбораў уліку.
Даведачна: замена лічыльнікаў у рамках Праграмы мадэрнізацыі ажыццяўляецца на бязвыплатнай аснове ў адпаведнасці з паадраснымі графікамі. Для ўдакладнення інфармацыі аб замене прыбораў уліку па канкрэтным адрасе ў рамках Праграмы мадэрнізацыі, а таксама для ажыццяўлення пазачарговай замены прыбора ўліку на платнай аснове можна звярнуцца ў філіял «Энергазбыт», тэл. (017) 371-00-33.