- Навіны філіяла
ЗІМОВАЯ СПАРТАКІЯДА РАБОТНІКАЎ ФІЛІЯЛА «ЭНЭРГАЗБЫТ» РУП «МІНСКЭНЭРГА»
15-16 лютага 2019 г. на базе аздараўленчага цэнтра «Энэргетык» адбылося яркае спартыўнае свята - штогадовая зімовая спартакіяда работнікаў філіяла «Энэргазбыт» РУП «Мінскэнэрга».
Правядзенне зімовых спаборніцтваў сярод супрацоўнікаў філіяла ўжо стала добрай традыцыяй, якая служыць не только прапагандзе здаровага ладу жыцця, папулярызацыі заняткаў спортам, але і аб'яднанню калектыву.
У спартакіядзе прынялі ўдзел кіраўнікі і супрацоўнікі цэнтральнага апарату, аддзяленняў г.Мінска і Мінскага раёна, міжраённых аддзяленняў (МРА), усяго 12 каманд.
Спаборніцтвы праходзілі ў цёплай сяброўскай атмасферы, адчуваліся згуртаванасць удзельнікаў і прысутнасць каманднага духу. Работнікі філіяла вельмі актыўна і эмацыянальна балелі за прадстаўнікоў сваіх каманд.
Адкрываў спартакіяду намеснік дырэктара філіяла «Энэргазбыт» РУП «Мінскэнэрга» Амбражэвіч Міхаіл Міхайлавіч. Пасля ўрачыстага ўзняцця сцяга было абвешчана аб пачатку спартакіяды.
Удзельнікі спаборнічалі ў наступных відах спорту: шахматы, шашкі, дартс, плаванне, лыжныя гонкі і эстафета.
Спартыўныя спаборніцтвы пачаліся з першынства па шашках і шахматах. Першае месца па шашках сярод мужчын заняў прадстаўнік каманды Салігорскага МРА Пратасевіч Аляксандр Леанідавіч, сярод жанчын - прадстаўніца аддзялення па збыце электрычнай энергіі Мінскага раёна Жылко Анастасія Валер'еўна, каманда якой атрымала перамогу і ў агульнакамандным заліку.
Лепшымі ў асабістым заліку па шахматах сталі Трубач Алена Яраславаўна са Стаўбцоўскага МРА і Аграфенін Андрэй Аляксандравіч з Мінскага аддзялення па збыце цеплавой энергіі, якое таксама лідзіравала ў агульнакамандным заліку.
У першы дзень прайшлі спаборніцтвы па плаванні. Лепшы вынік у эстафеце паказала каманда Маладзечанскага МРА, супрацоўнік якога Сазонаў Ілля Васільевіч заваяваў золата ў гонцы сярод мужчын. Сярод жанчын пераможцай стала Архіпава Таццяна Валянцінаўна (Мінскае аддзяленне па збыце электрычнай энергіі). Немагчыма ўявіць зімовую спартакіяду без самых відовішчных спартыўных спаборніцтваў - лыжных гонак і эстафеты. Трэба сказаць, што сярод работнікаў філіяла «Энергазбыт» ёсць сапраўдныя прафесіяналы, якія зрабілі спаборніцтвы ў гэтым відзе спорту захапляльнымі і яркімі. Заслужаную перамогу ў лыжнай эстафеце атрымала каманда Маладзечанскага МРА, першае месца сярод жанчын заняла - Шманай Вольга Уладзіміраўна (Мінскае аддзяленне па збыце цеплавой энергіі), сярод мужчын - Косік Мікалай Іванавіч (Маладзечанскае МРА).
Самым трапным удзельнікам спаборніцтваў па дартс апынуўся начальнік Клецкага МРА Аўдзей Уладзімір Анатольевіч.
На ўрачыстым закрыцці спартакіяды дырэктар філіяла «Энэргазбыт» РУП «Мінскэнэрга» Шэршань Андрэй Пятровіч і старшыня першаснай прафсаюзнай арганізацыі філіяла Анішчанка Ала Анатольеўна павіншавалі ўсіх з выдатнымі результатамі і ўручылі пераможцам медалі і дыпломы. Вынікі спаборніцтваў будуць уключаны ў агульны залік круглагадовай спартакіяды філіяла «Энэргазбыт» РУП «Мінскэнэрга» 2019 года.