- Навіны філіяла
Сустрэча прэзідыума Беларускага прафесійнага саюза работнікаў энергетыкі
У адзін з кастрычніцкіх дзён, а дакладней, 06.10.2022 у Музеі Вялікай Айчыннай вайны прайшло пасяджэнне Прэзідыума Беларускага прафесійнага саюза работнікаў энергетыкі, газавай і паліўнай прамысловасці. Ганаровымі гасцямі мерапрыемства сталі намеснік міністра энергетыкі Сяргей Віктаравіч Раянтовіч і старшыня Прафсаюза Белэнергатапгаз Ігар Міхайлавіч Жур.
Пытанне, якое стаяла на парадку дня, было прысвечана стварэнню здаровых і бяспечных умоў працы. Пры арганізацыі працоўнага працэсу пытанні аховы працы заўсёды выходзяць на першы план. Прафсаюз арганізуе і ажыццяўляе грамадскі кантроль за выкананнем заканадаўства Рэспублікі Беларусь, якое закранае працоўныя, эканамічныя і сацыяльныя правы працоўных. Аб стане спраў галіны далажыў галоўны тэхнічны інспектар працы Прафсаюза Белэнергатапгаз Уладзімір Яўгенавіч Рудзянок.
Немалаважным пытаннем, вынесеным на разгляд Прэзідыума, стала рэалізацыя дзяржаўнай маладзёжнай палітыкі ў галіне. Вопытам работы ў вышэйназванай вобласці падзяліўся старшыня прафкама ААП УП "Мінаблгаз" Таццяна Анатольеўна Кавалёва. Яна адзначыла, што асаблівая ўвага ўдзяляецца дзяржаўнай кадравай палітыцы і рабоце з маладымі спецыялістамі. Прыняты шэраг мер па эканамічнай падтрымцы моладзі і маладых спецыялістаў (грашовая дапамога, аднаразовая дапамога, прадастаўленне арэнднага жылля, павышэнне тарыфных ставак і акладаў, штомесячных даплат). Меры падтрымкі маладых спецыялістаў уключаны ў калектыўныя дагаворы.
Працы прэзідыума прайшла захоплена і насычана, у праграме прыняла ўдзел моладзь прадпрыемстваў энергетычнай галіны, а таксама навучэнцы УА "Мінскі дзяржаўны энергетычны каледж".
Нам важна памятаць, што будучыня - за моладдзю. І важна, каб яна, у сваю чаргу, мела дакладнае ўяўленне аб той рабоце, сферу якой выбрала.