Імунізацыя супраць каранавіруснай інфекцыі бустэрнай дозай прайшла ў філіяле «Энергазбыт» РУП «Мінскэнерга» 18 студзеня.

Для зручнасці персаналу вакцынацыя праводзілася ў прывівачным пункце, арганізаваным непасрэдна на тэрыторыі прадпрыемства. Перад тым як зрабіць прывіўку, ахвочых правакцынавацца агледзеў урач і папярэдзіў аб магчымых пабочных эфектах. Як правіла, гэта боль у руцэ і нязначнае павышэнне тэмпературы.

Вакцынацыя супрацоўнікаў у філіяле праводзіцца сістэмна. Працоўным калектывам рэгулярна даецца магчымасць зрабіць прывіўку, у тым ліку прайсці рэвакцынацыю.

Работнікі самі вырашаюць, якую вакцыну ім абраць. Для першаснай вакцынацыі прапануецца расійская вакцына «Спадарожнік V» і кітайская «Vero Cell», для другаснай ‒ «Спадарожнік Лайт».

Нагадваем, вакцынацыя і рэвакцынацыя застаюцца найбольш эфектыўным спосабам мінімізаваць рызыку захворвання каранавіруснай інфекцыяй і знізіць цяжар хваробы, калі заражэнне ўсё ж адбылося. Акрамя таго, калі мы вакцынаваны, мы абараняем не толькі сябе, але і навакольных людзей.